ياحمزة دير بالك على ابراهيم
يا حمزة أجاك ضيف اليوم بطل متلك , رجال قلو لابوه يا بابا بدي أطلع اتظاهر معك ,
أجاك بطل يا حمزة ماخاف من شبيحة بشار ولا من سلاحن , بالعكس هنن اللي خافوا منو وخافوا من صوتو وهو عم يقول الله أكبر الله أكبر ,
يا حمزة أخوك ابراهيم من الشام لما استشهدت انت حلف أنو ياخود بتارك ويفديك بدمو مع انو أصغر منك بس رجال ميداني حر طلع قلهن كلنا حمزة الخطيب ,
... يا حمزة أمانة تقلو انو الميـــــــــــــــــــــــــــــــــــدان كلها طلعت كرمالو , و صرلو جنازة الله يشهد ماصارت لحدا , قلو طلعت رجال الشام من الشاغور و الصالحية وركن الدين و دوما و حرستا و المزرعة و كفرسوسة و كل الشام طلعوا حملو روحهم على كفهم ولبسوا كفنهم كرمالو وحلفوا لياخدو بتارو ,
يا حمزة قلو دمكم ان شالله مابيروح ببلاش , و الله و اللي أسمو الله مابيروح ببلاش ,
الله يكتبنا الشهادة متل ماكتبلكن ياها و منشوفكم بالجنة و منشوف اللي قتلكم بنار جهنم ,
يا حمزة يا ابن درعـــــــــــــــــا الأبية , دير بالك على ابراهيم أبن الشــــــــــــــــام العدية .
سيكتب التاريخ بإذن الله أن أطفال سورية أسقطوا ديكتاتورها
الاشتراك في:
تعليقات الرسالة (Atom)
ليست هناك تعليقات:
إرسال تعليق